ভাৰত চৰকাৰে প্ৰত্যেকজন নাগৰিকক ২০০০ টকা সাহায্য দিব বুলি প্ৰচাৰ হোৱা হোৱাটচ এপ্প বার্তাটো ভুৱা হয়!

সংৰক্ষিত লিংক

চীন দেশৰ ৱুহান নামৰ ঠাইখনৰ পৰা সংক্ৰমিত হোৱা ক’ৰনা ভাইৰাছ ৰোগত ভুগি সমগ্ৰ বিশ্বতে এতিয়ালৈকে কেইবালাখ মানুহৰ মৃত্যু হৈছে আৰু বহু লাখ মানুহ এতিয়াও আক্রান্ত হৈ আছে । বিশ্বৰ আন দেশৰ লগতে ভাৰতত এতিয়ালৈকে ১৮ হাজাৰতকৈ অধিক লোকৰ মৃত্যু হৈছে । অসমতো প্ৰায় ৯ হাজাৰতকৈ অধিক ৰোগী ইতিমধ্যে চিনাক্ত হৈছে আৰু ইয়াৰে ১৪জনৰ মৃত্যু হৈছে । 

যিসময়ত ভাৰতত ক’ৰনা ভাইৰাছৰ সংক্ৰমণ দিনক দিনে বাঢ়িব ধৰিছে আৰু ভাৰতত লক ডাউন যদিয়ো বহু পৰিমানে শিথিল কৰি দিয়া হৈছে, কিছু বাধ্য-বাধ্যকতা এতিয়াও বিভিন্ন পৰ্য্যায়ত আছে, সেই সময়তে লক ডাউন আৰু লক ডাউনৰ সময়ত বিভিন্ন সাহায্য সম্পৰ্কীয় বিভিন্ন ফটো/ভিডিঅ’/বাৰ্তা হোৱাটচ এপ্পৰ যোগেদি ভাইৰেল হব ধৰিছে । ইয়াৰে বহুতো ভুৱা বুলি জানিব পৰা গৈছে । 

শেহতীয়াকৈ হোৱাটচ এপ্পত ভাইৰেল হোৱা এক বাৰ্তাত দাবী কৰা হৈছে যে প্ৰত্যেকজন নাগৰিকক চৰকাৰে ২০০০ টকা সাহায্য হিচাবে দিবলৈ সিদ্ধান্ত লৈছে । এই সম্পৰ্কে এক ৱেবলিংকও বাৰ্তাটোত শ্বেয়াৰ কৰা হৈছে । বাৰ্তাটোত লগতে দাবী কৰা হৈছে যে এই সুযোগ মাত্ৰ এবাৰহে দিয়া হৈছে । 

সঁচাকৈ ভাৰত চৰকাৰে প্ৰত্যেকজন নাগৰিকক ২০০০ টকা সাহায্য হিচাবে দিবলৈ সিদ্ধান্ত লৈছে নেকি ? সত্য কি? জানোঁ আহক । 

প্ৰণালী

প্ৰথমে আমি বাৰ্তাটোত থকা লিংকটোত ক্লিক কৰিলোঁ আৰু দেখিলোঁ যে উক্ত লিংকটো বিকল হৈ আছে । গতিকে বার্তাটোৰ সত্যতাৰ ওপৰত প্ৰশ্ন আহি পৰিল । 

সংৰক্ষিত লিংক

ইয়াৰ পাছতেই আমি এই বিষয়ে সন্দেহবশত পিআইবি ফেক্ট চেকৰ টুইটাৰ হেণ্ডেলটো চালোঁ আৰু দেখিলোঁ যে তেওঁলোকে ইতিমধ্যে এই বিষয়ে এক স্পষ্টীকৰণ দি থৈছে  । তেওঁলোকে স্পষ্ট কৰিছে যে উক্ত বার্তাটো ভুৱা হয় আৰু চৰকাৰে এনে কোনো ঘোষণা কৰা নাই ।

টুইটাৰ লিংক | সংৰক্ষিত লিংক

ফলাফল

ভাইৰেল হোৱাটচ এপ্প বাৰ্তাটো ভুৱা হয় আৰু এনে কোনো সাহায্যৰ অস্তিত্ব বৰ্তমান নাই । এনে ধৰণৰ বাৰ্তা প্রচাৰ কৰি জনসাধাৰণৰ মাজত বিভ্ৰান্তিৰ সৃষ্টি কৰা হৈছে ।