বাঘ আৰু গৰুৰ নিবিড় সম্পৰ্কৰ এই ঘটনাটো বা ভাইৰেল ফটোকেইখন অসমৰ নহয়!

ফেচবুক লিংক । সংৰক্ষিত লিংক

শেহতীয়াকৈ বাঘ আৰু গৰুৰ একেলগে থকা কেইখনমান ফটোৱে ছচিয়েল মিডিয়াত খলকনিৰ সৃষ্টি কৰিছে । দাবী কৰা হৈছে যে এই ফটোকেইখন অসমৰ হয় আৰু উক্ত বাঘটোক সৰুতে এই গৰুজনীয়ে গাখীৰ খুৱাইছিল আৰু সেইবাবে বাঘটোৱে এতিয়া ডাঙৰ হৈ গৰুজনীৰ ওচৰলৈ আহে আৰু কোনো অপকাৰ নকৰে । 

এই সম্পৰ্কে হোৱাটচ এপ্পত আমাক কিছু লোকে যোগাযোগ কৰে আৰু এই ধৰণৰ এক ফেচবুক পোষ্ট আমাৰ লগত শ্বেয়াৰ কৰে, লগতে আমাক ইয়াৰ সত্যতা বিচাৰ কৰিবলৈ অনুৰোধ জনাই । 

উক্ত ফেচবুক পোষ্টটো শ্বেৰণ ড’ইল নামৰ এজন লোকে আপলোড কৰিছিল য’ত উক্ত ভাইৰেল ফটো কেইখন দেখা গৈছে । ২৩ জুন, ২০২০ তাৰিখে আপলোড হোৱা পোষ্টটো এতিয়ালৈকে ৩.৯ হেজাৰবাৰ শ্বেয়াৰ হৈছে আৰু ভাইৰেল হৈ পৰিছে । 

উক্ত পোষ্টটোত দাবী কৰা হৈছে যে অসমৰ এজন লোকে ঘৰলৈ এজনী গৰু আনিছিল আৰু ইয়াৰ পাছত তেওঁ সদাই ৰাতি কুকুৰৰ ভুকভুকনি শুনিছিল । তেওঁ অৱশেষত চিচি টিভি কেমেৰা লগাবলৈ সিদ্ধান্ত ললে আৰু দেখিলে যে সদাই ৰাতি গৰুজনীৰ কাষলৈ এটা বাঘ আহে কিন্তু গৰুজনীক কোনো অপকাৰ নকৰে । তেওঁ গৰুজনীৰ আগৰ মালিকক খবৰ কৰে আৰু জানিব পাৰে যে এই বাঘটো জন্ম হোৱা ২০ দিনৰ ভিতৰত তাৰ মাকজনীক হত্যা কৰা হৈছিল । এই গৰুজনীৰ গাখীৰ খাই বাঘ পোৱালীটো জীয়াইছিল আৰু অলপ ডাঙৰ হোৱাৰ পাছত বাঘটো জংঘললৈ গুচি গৈছিল । কিন্তু এতিয়াও সেই বাঘটো গৰুজনীৰ কাষলৈ আহে যাক বাঘটোৱে নিজৰ মাক বুলি ভাৱে । 

সংৰক্ষিত লিংক

ইনষ্টাগ্ৰাম লিংক । সংৰক্ষিত লিংক

ঘটনাটোৰ সত্যতা জানিবলৈ চেষ্টা কৰোঁ আহক । সঁচাকৈ অসমত এনে ধৰণৰ ঘটনা ঘটিছিল নেকি? সত্য কি? জানোঁ আহক । 

প্ৰণালী

প্ৰথমে আমি উক্ত ভাইৰেল ফটোকেইখন গুগলত ৰিভাৰ্ছ ইমেজ চাৰ্ছ কৰিলোঁ । আমি ২০১৪ চনত উক্ত ভাইৰেল ফটো সম্বলিত এক লিখনি প্ৰকাশ হোৱা দেখা পালোঁ । উক্ত ঘটনাটো গুজৰাটৰ ভাদ’ডাৰা জিলাৰ আন্তলি নামৰ এখন গাওঁৰ হয় বুলি লিখনিটোত কোৱা হৈছে । এই বিষয়ে বিতংকৈ পঢ়ক ইয়াত । 

ইয়াৰ পাছত আমি কিছুমান কীৱৰ্ডছ ব্যৱহাৰ কৰি গুগল চাৰ্ছ কৰিলোঁ আৰু টাইমছ অফ ইণ্ডিয়াত এই বিষয়ে এক বাতৰি ২০০২ চনতে প্ৰকাশ হোৱা দেখিলোঁ । উক্ত বাতৰিটোতও ঘটনাটো গুজৰাটৰ ভাদ’ডাৰা জিলাৰ আন্তলি নামৰ এখন গাওঁৰ হয় বুলি লিখা আছে । বাতৰিটোত লগতে কোৱা হৈছে যে বাঘটোৱে প্ৰায়ে গৰুজনীক লগ কৰিবলৈ আহে আৰু দুয়োজনৰে মাজত এক অস্বাভাৱিক স্বাভাৱিকতা দেখা যাই । এই সম্পৰ্কে ভাদ’ডাৰাৰ কনজার্ভেটৰ অফ ফৰেষ্ট, এইছ এছ সিং’য়ে ক’লে যে কেতিয়াবা জন্তুৰ ব্যৱহাৰ সলনি হব পাৰে আৰু পৰিবেশে এই ক্ষেত্ৰত এক গুৰুত্বপূৰ্ণ ভূমিকা লব পাৰে । 

ফলাফল

উক্ত ঘটনাটো বা ভাইৰেল ফটোকেইখন অসমৰ নহয় বৰঞ্চ গুজৰাটৰ হয় । ইয়াৰ উপৰিও এইয়া শেহতীয়া ঘটনা নহয় । ২০০২ চনতে উক্ত ঘটনাটো ঘটিছিল আৰু উক্ত ভাইৰেল ফটো কেইখন তোলা হৈছিল ।