আপুনি চাহৰ জুতি ল’বলৈ ব্যৱহাৰ কৰা টী-বেগত আছে নেকি ক্ষতিকাৰক মাইক্ৰ’প্লাষ্টিক? জানক।

শেহতীয়াভাবে টী-বেগ ব্যৱহাৰ কৰি চাহৰ সোৱাদ লোৱা বহু লোকৰ মাজত এই টী-বেগ সম্পৰ্কত বিভিন্ন আলোচনা হোৱা দেখা গৈছে। চাহ খাই ভালপোৱা বহুতো লোকে চাহৰ এই বেগ বাছি লয় ইয়াৰ সুবিধাৰ বাবে। সাধাৰণতে চাহপাত ব্যৱহাৰ কৰি চাহ খোৱাৰ বেলিকা সেই চাহ থ’বৰ বাবে বিশেষ পাত্ৰৰ প্ৰয়োজন হয় আৰু চাহকাপ প্ৰস্তুত কৰোতেও কিছু সময়ৰ প্ৰয়োজন হয়। তাৰ বিপৰীতে চাহৰ মোনাত বা টী-বেগত উচ্চমানৰ চাহ থাকিব পাৰে আৰু গৰম পানীত ইয়াক কেৱল তিয়াই চাহৰ সোৱাদ ল’ব পাৰি। অৱশ্যে এই টী-বেগবোৰতো প্ৰায়ে কিছুমান সমস্যা লুকাই থাকে। বিশেষকৈ বৰ্তমান সময়ত অসমত চেনি আৰু নিমখত মাইক্ৰ’প্লাষ্টিকৰ উপস্থিতিৰ কথা আলোচিত হৈ থকাৰ সমান্তৰালভাৱে এই টী-বেগতো মাইক্ৰ’প্লাষ্টিক থাকে বুলি বিভিন্ন মহলত আলোচনা চলিছে। উপভোক্তাৰ মাজত তাকে লৈ শংকা তথা বিবাদৰো সৃষ্টি হোৱা দেখা গৈছে। সেই হেতু আমাৰ এই আলোচনাত সেই বিষয়টো সন্দৰ্ভত কিছু কথা সন্নিবিষ্ট কৰাৰ প্ৰয়াস কৰা হৈছে।

পৰিৱেশতন্ত্ৰৰ ভাৰসাম্যৰ প্ৰতি উদ্বেগ বৃদ্ধি পোৱাৰ সমান্তৰালভাৱে সকলো টী-বেগ জৈৱিকভাৱে নিশ্চিহ্ন হোৱা বা বাইডিগ্ৰেডেবল বুলি এটা সাধাৰণ ভুল ধাৰণা আছে। যদিও কিছুমান টী-বেগ জৈৱিকভাৱে নিশ্চিহ্ন হয়,কিন্তু টী-বেগ নহয় আৰু ইয়াৰ দ্বাৰা পচন সাৰ সৃষ্টি কৰিবলৈ চেষ্টা কৰিলে ই ক্ষতিকাৰক হ’ব পাৰে। বাস্তৱ ক্ষেত্ৰত টী-বেগবোৰ প্ৰায়ে নাইলন, প্লাষ্টিক বা ব্লিচ কৰা কাগজেৰে তৈয়াৰ কৰা হয় আৰু আঠা বা অন্যান্য ক্ষতিকাৰক ৰাসায়নিক পদাৰ্থৰে বন্ধা হয়। এই সামগ্ৰী আৰু ৰাসায়নিক পদাৰ্থ কেৱল পৰিৱেশৰ বাবেই ক্ষতিকাৰক নহয় বৰঞ্চ মানুহৰ স্বাস্থ্যৰ প্ৰতিও বিপদৰ সৃষ্টি কৰিব পাৰে। আৰু অধিক তথ্য ইয়াত পঢ়ক।

উৎসঃ  UK Tea and Infusions Association 

দাবী ১: টী-বেগত মাইক্ৰ’প্লাষ্টিকৰ উপস্থিতি

কিছুমান গৱেষণাই নিশ্চিত কৰিছে যে কিছুমান বিশেষ ধৰণৰ চাহৰ মোনা বা টী-বেগ বিশেষভাৱে প্লাষ্টিকেৰে তৈয়াৰ কৰা। প্লাষ্টিকযুক্ত চাহৰ বেগত থকা চাহত মাইক্ৰ’প্লাষ্টিক থাকিব পাৰে। ২০১৯ চনত এনভাইৰনমেণ্টেল ছায়েন্স এণ্ড টেকন’লজি নামৰ জাৰ্নেলত প্ৰকাশিত এক উল্লেখযোগ্য অধ্যয়নত দেখা গৈছে যে এটা প্লাষ্টিকৰ চাহৰ বেগ গৰম পানীত ডুবাই দিলে কোটি কোটি মাইক্ৰ’পাৰটিকেল (MPs) আৰু নেনোপাৰটিকেল (NPs) নিৰ্গত হ’ব পাৰে। আৰু অধিক তথ্যৰ বাবে ইয়াত পঢ়ক ।

ওপৰোক্ত ছবিয়ে সামূহিকভাৱে দেখুৱাইছে যে ডুব যোৱা চাহৰ বেগবোৰৰ পৰা বিভিন্ন কণিকা মুকলি হয়। আকৃতিৰ উল্লেখযোগ্য পৰিৱৰ্তন আৰু লিচেটত মাইক্ৰ’- আৰু নেন’স্কেল কণিকাৰ উপস্থিতি দেখা পোৱা যায়। (ক) বিশ্লেষণৰ বাবে চাহৰ মোনাৰ নমুনা আৰু ইয়াৰ লিচেটৰ বাবে প্ৰস্তুতি প্ৰক্ৰিয়াৰ আৰ্হি চিত্ৰ। (b−q) ডুবাই থোৱাৰ পাছত মূল চাহৰ মোনা আৰু ইয়াৰ লিচেটৰ SEM ছবি, গাঁথনিগত পৰিৱৰ্তন আৰু কণিকা মুকলি হোৱা দেখা গৈছে। (b, f, j, n) ডুব যোৱাৰ আগতে চাহৰ মোনাবোৰৰ ১০০০গুণ বৰ্ধিত SEM ছবি দেখা গৈছে, মসৃণ পৃষ্ঠত থকা জালৰ দৰে গঠন দেখা গৈছে(৩০−৭০ মাইক্ৰ’মিটাৰ)। 30000 গুণ বৰ্ধিত ৰূপত চালে পৃষ্ঠৰ ৰুক্ষতা আৰু সৰু সৰু কণা দেখা যায় (200−1000 nm) । (c, g, k, o) ডুবাই ৰখাৰ পাছত চাহৰ মোনাৰ ১০০০গুণ বৰ্ধিত ৰূপৰ SEM ছবি আৰু ৰুক্ষ পৃষ্ঠ প্ৰদৰ্শন কৰিছে। 30000 গুণ বৰ্ধিত ইনছেটসমূহে ডেণ্ট আৰু ভাঙনসমূহ উজ্জ্বল কৰি তোলা দেখা গৈছে। (d, h, l, p) চাহৰ মোনা লিচেটৰ ১০০০গুণ বৰ্ধিত SEM ছবিত অনিয়মিত আকৃতিৰ অণুকণা দেখা গৈছে (১−২০০ μm) । ইনছেটসমূহে মাইক্ৰন আকাৰৰ কণিকাৰ আকাৰ প্ৰদান কৰে। (e, i, m, q) চাহৰ মোনা লিচেটৰ ১০০০০০গুণ বৰ্ধিত SEM ছবিয়ে চাবমাইক্ৰন আৰু নেন’ আকাৰৰ কণিকাৰ উপস্থিতি নিশ্চিত কৰিছে। ইনছেটসমূহে চাবমাইক্ৰন কণিকাৰ আকাৰ বিতৰণ উপস্থাপন কৰিছে। 

উৎস: পৰিৱেশ বিজ্ঞান আৰু প্ৰযুক্তি ২০১৯(Environmental Science and Technology 2019)

আপোনাৰ চাহৰ বেগবোৰ প্লাষ্টিকৰ উপস্থিতিৰ বাবে কেনেকৈ পৰীক্ষা কৰা হয় ইয়াত চাওক।

অৱশ্যে সকলো চাহৰ মোনা বা টী-বেগৰ ক্ষেত্ৰত এই কথা প্ৰযোজ্য নহয়। বহুতো চাহৰ মোনা কাগজ বা অন্যান্য জৈৱিকভাৱে নিশ্চিহ্ন হোৱা সামগ্ৰীৰ পৰা তৈয়াৰ কৰা হয়। ইয়াত ২০২৪ চনৰ বাবে আপডেট কৰা এটা গাইড দিয়া হৈছে য’ত কিছুমান জনপ্ৰিয় আৰু বহুলভাৱে ব্যৱহৃত প্লাষ্টিকমুক্ত চাহ ব্ৰেণ্ডৰ সামগ্ৰীৰ কথা আছে যিয়ে মাইক্ৰ’প্লাষ্টিক সৃষ্টি নকৰে।পঢ়ক 

লিপটনৰ পৰম্পৰাগত চাহৰ বেগবোৰ মেনিলা হেম্প, চেলুল’জ, আৰু থাৰ্মোপ্লাষ্টিক আঁহৰ পৰা তৈয়াৰ কৰা হয়, কিছুমানত পলিইথাইলিন থাকে, আৰু এইবোৰ পচন সাৰ সৃষ্টিযোগ্য বা পুনঃব্যৱহাৰযোগ্য নহয়।

ডিলমাহৰ টেগবিহীন আৰু পিৰামিড শৈলীৰ চাহ বেগসমূহ জৈৱিকভাৱে নিশ্চিহ্ন হৈ যোৱা বিধৰ, প্লাষ্টিকমুক্ত পিএলএ সামগ্ৰীৰে গঠিত। আনহাতে তেওঁলোকৰ মানক চাহ বেগবোৰত বেছিভাগতেই প্ৰাকৃতিক চেলুল’জ আঁহ ব্যৱহাৰ কৰা হয়, য’ত তাপ বন্ধ কৰাৰ বাবে সামান্য শতাংশ পলিপ্ৰ’পাইলিন থাকে। ইয়াত চাওক।

আমি জেষ্টাৰ সৈতেও যোগাযোগ কৰিছিলোঁ। তেওঁলোকৰ সঁহাৰি লাভ কৰিলে আমি এই লেখাটো আপডেট কৰিম।

গতিকে ই প্ৰমান কৰে যে কিছুমান প্লাষ্টিকৰ টী-বেগ গৰম পানীত ডুবালে মাইক্ৰ’প্লাষ্টিক মুকলি হ’ব পাৰে, যাৰ ফলত খাবলৈ লোৱা চাহ কাপত যথেষ্ট পৰিমানে কণা দূষণৰ সম্ভাৱনা থাকে।

দাবী ২: চাহৰ বেগত থকা মাইক্ৰ’প্লাষ্টিকৰ পৰা স্বাস্থ্যজনিত বিপদ

বিভিন্নজনে দাবী কৰা মতে, চাহৰ বেগত থকা মাইক্ৰ’প্লাষ্টিকসমূহে: প্ৰদাহৰ সৃষ্টি কৰিব পাৰে, হৃদযন্ত্ৰৰ বিপদ বৃদ্ধি কৰিব পাৰে আৰু প্ৰজনন ক্ষমতাত প্ৰভাৱ পেলাব পাৰে কাৰণ অণ্ডকোষ, বীৰ্য্য, আৰু লিংগৰ মাংসত ইতিমধ্যে মাইক্ৰ’প্লাষ্টিক ধৰা পৰিছে, যিয়ে শৰীৰত প্ৰজনন ক্ষমতা আৰু সামগ্ৰিক প্ৰজনন স্বাস্থ্য আৰু ৱাইডস্প্ৰেডত প্ৰভাৱ পেলোৱাৰ সম্ভাৱনা আছে ।

অধ্যয়নসমূহে চাহৰ বেগত থকা মাইক্ৰ’প্লাষ্টিকসমূহৰ সৈতে জড়িত কেইবাটাও সম্ভাৱ্য স্বাস্থ্যজনিত বিপদৰ ওপৰতো আলোকপাত কৰিছে,

প্ৰদাহঃ অধ্যয়নত দেখা গৈছে যে মাইক্ৰ’প্লাষ্টিক আৰু নেন’প্লাষ্টিক (NPs)ৰ ফলত অন্ত্ৰৰ অক্সিডেটিভ চাপ আৰু প্ৰদাহ হ’ব পাৰে। পঢ়ক

কাৰ্ডিঅ’ভাস্কুলাৰ ৰিস্ক: গৱেষণাৰ পৰা দেখা গৈছে যে মাইক্ৰ’প্লাষ্টিক ধমনী আৱৰণ, যেনে কেৰটিড ধমনীত সোমাই পৰিব পাৰে, যাৰ ফলত হাৰ্ট এটেক আৰু ষ্ট্ৰোকৰ সম্ভাৱনা বৃদ্ধি পাব পাৰে। ইয়াত আৰু ইয়াত পঢ়ক

প্ৰজনন ক্ষমতাঃ অণ্ডকোষ, বীৰ্য্য, আৰু লিংগৰ মাংসকে ধৰি প্ৰজনন অংগত মাইক্ৰ’প্লাষ্টিক ধৰা পৰিছে, যাৰ ফলত প্ৰজনন ক্ষমতা আৰু সামগ্ৰিক প্ৰজনন স্বাস্থ্যৰ ওপৰত সম্ভাৱ্য প্ৰভাৱৰ বিষয়ে উদ্বেগ প্ৰকাশ পাইছে। ইয়াত আৰু ইয়াত পঢ়ক

পাচনতন্ত্ৰৰ সমস্যাঃ মাইক্ৰ’প্লাষ্টিকৰ উপস্থিতিৰ ফলত আন্ত্ৰিক আৱৰণৰ অশোষণ আৰু খহনীয়া হ’ব পাৰে, যাৰ ফলত পুষ্টিকৰ উপাদানৰ অভাৱ আৰু আন্ত্ৰিক স্বাস্থ্যৰ লগত সমস্যাৰ সৃষ্টি হ’ব পাৰে। পঢ়ক

আন্ত্ৰিক প্ৰক্ৰিয়াৰ বিঘিনিঃ মাইক্ৰ’প্লাষ্টিকসমূহে যোগকৰণ, প্ৰদূষক আৰু ৰোগকাৰক পদাৰ্থ কঢ়িয়াই নিব পাৰে যিয়ে আন্ত্ৰিক প্ৰক্ৰিয়াৰ ভাৰসাম্য বিঘ্নিত কৰিব পাৰে আৰু সামগ্ৰিক স্বাস্থ্যত প্ৰভাৱ পেলাব পাৰে। পঢ়ক

কৰ্কট ৰোগৰ আশংকাঃ কলৰেক্টাল কেন্সাৰ কোষৰ ওপৰত কৰা এক অধ্যয়নত মাইক্ৰ’প্লাষ্টিক কৰ্ষণ আৰু জমা হোৱা দেখা গৈছে, যাৰ পৰা গেষ্ট্ৰাইটিছ কেন্সাৰৰ সৈতে সম্ভাৱ্য সম্পৰ্ক থকাৰ কথা প্ৰকাশ পাইছে। পঢ়ক

উপসংহাৰ

সামৰণিত ক’বলৈ হ’লে, বৈজ্ঞানিক প্ৰমাণে চাহৰ বেগত মাইক্ৰ’প্লাষ্টিকৰ উপস্থিতি আৰু ইয়াৰ লগত জড়িত বিপদসমূহৰ উপস্থিতিৰ কথা সমৰ্থন কৰিলেও মানৱ স্বাস্থ্যৰ ওপৰত ইয়াৰ প্ৰভাৱ সম্পূৰ্ণৰূপে বুজিবলৈ অধিক বিশদ গৱেষণাৰ প্ৰয়োজন আছে। দাবীসমুহে গুৰুত্বপূৰ্ণ উদ্বেগ উত্থাপন কৰিছে যদিও বৰ্তমানৰ জ্ঞানৰ ওপৰতো এতিয়াও আৰু অধিক অনুসন্ধানৰ প্ৰয়োজন আছে।

আমাক অনুসৰণ কৰক আৰু আমাৰ শেহতীয়া তথ্য পৰীক্ষাৰ সৈতে আপডেট হৈ থাকক।

যদি আপুনি সন্দেহজনক অনুভৱ কৰা যিকোনো তথ্য, ৰেকৰ্ডিং, ফটো, ভিডিঅ’ লাভ কৰে, তেনেহ’লে সেইবোৰ আমাৰ হোৱাটছএপ নম্বৰলৈ ফৰৱাৰ্ড কৰিব পাৰে (+91 904 905 3770)। আমি তথ্যগত বিৱৰণসহ অনুসন্ধান কৰিম আৰু প্ৰকাশ কৰিম। আমাৰ দৈনিক আপডেটবোৰো চাবস্ক্ৰাইব কৰক।

যদি আপুনি সামাজিক মাধ্যমত আমাক অনুসৰণ কৰিব বিচাৰে:

ফেচবুক | টুইটাৰ | ইনষ্টাগ্ৰাম | গুগল নিউজ চেনেল | হোৱাটছএপ