- >>
- False
এই ভিডিঅ'টো পেলেষ্টাইনৰ সমৰ্থনত ফ্ৰান্সত হোৱা প্ৰতিবাদৰ নহয়।
৭ অক্টোবৰত হামাছে ইজৰাইলক আক্ৰমণ কৰাৰ পিছত ফ্ৰান্স চৰকাৰে ১২ অক্টোবৰত পেলেষ্টাইনৰ সমৰ্থন কৰা সকলো প্ৰতিবাদ নিষিদ্ধ কৰিছিল, কাৰণ ইয়াৰ ফলত জনশৃংখলা বিঘ্নিত হোৱাৰ সম্ভাৱনা আছিল। তথাপিও পেৰিছ আৰু দেশৰ অন্যান্য অঞ্চলত প্ৰতিবাদ সংঘটিত হৈছে। এই পৰিস্থিতিত ছ’চিয়েল মিডিয়া প্লেটফৰ্মত এটা ভিডিঅ’ ভাইৰেল হৈ পৰিছে, য’ত শেহতীয়াকৈ সংঘাতৰ মাজত পেলেষ্টাইনীসকলৰ সমৰ্থনত ফৰাচী নাগৰিকসকলে সমদল চলোৱাৰ দৃশ্য বুলি দাবী কৰা হৈছে।
ভিডিঅ’টোত দেখা গৈছে যে ওখ টাৱাৰৰ সমৰ্থিত বহল পথ এটাৰে দীঘলীয়া শাৰীত মানুহে খোজ কাঢ়িছে। গোটেই সমাৱেশটোত সেউজীয়া পোহৰ আৰু ধোঁৱাৰ জিলিকনি দেখা যায়। পোষ্টটোৰ কেপচনত লিখা আছে যে, ফ্ৰান্সে পেলেষ্টাইনৰ সমৰ্থনত প্ৰতিবাদ নিষিদ্ধ কৰিছে। তথাপিও পেলেষ্টাইনৰ সমৰ্থনত বহুল প্ৰতিবাদ। #freepalenstine
আমি ফেক্ট ক্ৰেছেণ্ড অসমীয়াই এই সম্পৰ্কে অনুসন্ধান কৰাৰ সিদ্ধান্ত ললোঁ।
সত্যতা নিৰূপণ পদ্ধতি
আমি গুগলত কীৱৰ্ড তথা ৰিভাৰ্ছ ইমেজ চাৰ্চৰ সহায়ত অনুসন্ধান আৰম্ভ কৰিলোঁ আৰু দেখিলোঁ যে ভিডিঅ’টো ৬ অক্টোবৰত ব্ৰাজিলৰ প্লেনেটা ড’ ফুটবল নামৰ এটা ফুটবল পেজে টুইটাৰত পোষ্ট কৰিছিল। পেজটোত পৰ্তুগীজ ভাষাত লিখা আছিল, “পালমেইৰাছৰ অনুৰাগীৰ এলিয়ানজ পাৰ্কলৈ যাত্ৰা।”
ইয়াৰ পৰা স্পষ্ট হৈ পৰে যে এই ভিডিঅ’টোৰ ইজৰাইল-পেলেষ্টাইন সংঘাতৰ কোনো কাৰণতে কোনো সম্পৰ্ক নাই।
অধিক অনুসন্ধানত আমি দেখিলোঁ যে ভিডিঅ’টোৰ উৎপত্তি দাবী কৰা ধৰণে ফ্ৰান্সত নহয়, বৰঞ্চ ব্ৰাজিলৰ চাও পাউলোতহে হৈছে। ভিডিঅ’টোত দেখা মানুহবোৰে প্ৰতিবাদ কৰা নাছিল। বৰঞ্চ বোকা জুনিয়ৰছৰ বিৰুদ্ধে কোপা লিবাৰটাড’ৰেছৰ মেচলৈ যোৱাৰ পথত তেওঁলোক আছিল ফুটবল ক্লাব পালমেইৰাছৰ অনুৰাগী।
৫ অক্টোবৰত বোকা জুনিয়ৰৰ বিৰুদ্ধে খেলখনৰ পূৰ্বে পালমেইৰাছৰ অনুৰাগীসকলে দলীয় বাছৰ পিছফালে আলিয়ানজ পাৰ্ক ষ্টেডিয়ামলৈ মাৰ্চ কৰাৰ বিষয়েও আমি ব্ৰাজিলৰ সংবাদ প্ৰতিষ্ঠান এষ্টাডাওৰ এটা প্ৰতিবেদনৰ পালোঁ। ভিডিঅ’টোৰ এটা স্ক্ৰীণশ্বটও ইয়াত অন্তৰ্ভুক্ত কৰা হৈছিল।
নিষেধাজ্ঞা আৰোপ কৰাৰ পিছতো ফ্ৰান্সত পেলেষ্টাইনৰ সমৰ্থনত প্ৰতিবাদ সাব্যস্ত হোৱাৰ বিপৰীতে ভাইৰেল ভিডিঅ’টো সেই প্ৰতিবাদৰ নহয়। ভিডিঅ’টোত দেখা গৈছে যে ফুটবল অনুৰাগীয়ে ব্ৰাজিলৰ এখন ষ্টেডিয়ামৰ দিশে মাৰ্চ কৰি আছে।
ফলাফল
আমাৰ অনুসন্ধানৰ পৰা আমি ক'ব পাৰোঁ যে ভাইৰেল ভিডিঅ'টোৰ সৈতে কৰা দাবীটো মিছা। ভাইৰেল ভিডিঅ’টোত ফ্ৰান্সত পেলেষ্টাইন সমৰ্থকে কৰা প্ৰতিবাদ দেখুওৱা হোৱা নাই; ইয়াত ব্ৰাজিলৰ চাও পাউলোত খেলৰ পূৰ্বে ফুটবল অনুৰাগীসকলে মাৰ্চ কৰা দেখা গৈছে। ইয়াৰ তাৰিখ ২০২৩ চনৰ ৫ অক্টোবৰ।
যদি আপুনি সন্দেহজনক অনুভৱ কৰা যিকোনো তথ্য, ৰেকৰ্ডিং, ফটো, ভিডিঅ’ প্ৰাপ্ত কৰে, সেইবোৰ আমাৰ হোৱাটছএপ নম্বৰলৈ ফৰৱাৰ্ড কৰক (+91 904 905 3770)। আমি তথ্যগত বিৱৰণ অনুসন্ধান আৰু প্ৰকাশ কৰিম। আমাৰ দৈনিক আপডেটবোৰো চাবস্ক্ৰাইব কৰক।
যদি আপুনি সামাজিক মাধ্যমত আমাক অনুসৰণ কৰিব বিচাৰে:
ফেচবুক | টুইটাৰ | ইনষ্টাগ্ৰাম | গুগল নিউজ চেনেল | হোৱাটছএপ
Title:এই ভিডিঅ'টো পেলেষ্টাইনৰ সমৰ্থনত ফ্ৰান্সত হোৱা প্ৰতিবাদৰ নহয়।
Written By: Debanjana BaishyaResult: False
