শেহতীয়াকৈ, অৰুণাচল প্ৰদেশৰ টাৱাঙত ভাৰত আৰু চীনা সৈন্যৰ মাজত এক সংঘৰ্ষ হৈছিল। বাতৰি প্ৰতিবেদনত কোৱা হৈছে যে প্ৰায় ২০০ চীনা সৈন্যই প্ৰকৃত নিয়ন্ত্ৰণ ৰেখা (এলএচি) অতিক্ৰম কৰি ভাৰতীয় ভূখণ্ডত প্ৰৱেশ কৰিছিল। চীনা সৈন্যসকলক ভাৰতীয় সেনাই চমুকৈ আটক কৰিছিল।
চীনা সৈন্য আৰু ভাৰতীয় সৈনিকৰ মাজৰ সংঘৰ্ষ বিষয়ে ইণ্টাৰনেটত এখন ছবি ভাইৰেল হৈ আছে। ছবিখন কেপশ্বনৰ সৈতে শ্বেয়াৰ কৰা হৈছে আৰু দাবী কৰা হৈছে যে এই ফটোখন একেটা ঘটনাৰ হয়।
Facebook Link | Archived Link | Archived Link
ফেক্ট ক্ৰেচেণ্ডো অসমীয়াই ইয়াৰ ২৪x৭ ফেক্টলাইন নম্বৰ ৯০৪৯০৫৩৭৭০ত উক্ত দাবীটো পৰীক্ষা কৰাৰ অনুৰোধৰ সৈতে এটা অনুৰোধ প্ৰাপ্ত কৰিছিল। Archived Link
আমি দেখিছিলো যে দাবীটো মিছা। ইয়াত বিৱৰণ দিয়া হৈছে…
সত্যতা নিৰূপন পদ্ধতি
প্ৰথমে আমি গুগলত এক ৰিভাৰ্চ ইমেজ চাৰ্চ চলাইছিলো আৰু ভাইৰেল ছবিৰ সৈতে এটা প্ৰবন্ধ দেখিছিলো । ৱেবছাইট Inf.comত প্ৰকাশিত প্ৰবন্ধটো “কালৱান ভেলী” নামৰ এখন চিনেমাৰ বিষয়ে যাৰ প্ৰয়োজনা বৰ্তমান চলি আছে ।
ইয়াৰ পিছত, প্ৰাপ্ত কৰা তথ্য ব্যৱহাৰ কৰি, আমি ইউটিউবত কীৱৰ্ডৰ সৈতে অনুসন্ধান কৰিছিলো আৰু মূল ভিডিঅ’টো বিচাৰি পাইছিলো য’ত “মাৰ্চিয়েল আৰ্ট লাডাখ” নামৰ এটা চেনেলত ভাইৰেল ছবিৰ দৰে সামঞ্জস্যতা থকা ভিজুৱেল আছে। এই ভিডিঅ’টো ২০২০ চনৰ ৩ ডিচেম্বৰত পোষ্ট কৰা হৈছিল। ভিডিঅ’টোৰ শীৰ্ষকত লিখা আছে, “কাৰ্গিল লাডাখত এলএচি চলচ্চিত্ৰৰ দৃশ্যগ্ৰহণ – পৰ্দাৰ আঁৰৰ ছবি।”
ভিডিঅ’টোৰ প্ৰায় ৫:৪৮ মিনিটত, আমি একেই ফ্ৰেম ভাইৰেল ছবি হিচাপে দেখিছোঁ য’ত ৰঙা পাগুৰি পিন্ধা এজন সৈনিকে নীলা ইউনিফৰ্ম পিন্ধা এজন লোকক পিছফালৰ পৰা ধৰি থকা দেখা গৈছে।
ইউটিউব ভিডিঅ’ত পোৱা ফুটেজৰ স্ক্ৰীণশ্বট আৰু ভাইৰেল ছবিখন তুলনামূলকভাৱে বিশ্লেষণ কৰি, আমি দেখিছিলো যে দুয়োখন একেই আছিল।
অৰুণাচল প্ৰদেশত কি ঘটিছিল?
হিন্দুস্তান টাইমছত প্ৰকাশিত এক প্ৰতিবেদন অনুসৰি, শেহতীয়াকৈ অৰুণাচল প্ৰদেশত ভাৰতীয় আৰু চীনা সৈন্যৰ মাজত সংঘৰ্ষ হৈছিল। প্ৰকৃত নিয়ন্ত্ৰণ ৰেখাত প্ৰায় ১০০ জন পিপলছ লিবাৰেচন আৰ্মীৰ সৈনিকক ৰখাই দিয়া হৈছিল। দুয়োপক্ষৰ স্থানীয় কমাণ্ডাৰসকলে প্ৰট’কল অনুসৰি আলোচনা কৰিছিল আৰু বিষয়টো সমাধান কৰিছিল।
ফলাফল
আমাৰ অনুসন্ধানত ওপৰোক্ত পোষ্টটো বা দাবীটো আংশিকভাৱে মিছা বুলি প্ৰমাণিত হয়। কাৰণ, এয়া সঁচা যে ভাৰতীয় সেনাই শেহতীয়াকৈ চীনা সেনাই অৰুণাচল প্ৰদেশত অনুপ্ৰৱেশ কৰাৰ প্ৰচেষ্টা বিফল কৰিছিল। কিন্তু ভাইৰেল হৈ থকা ফটোখন এই ঘটনাটোৰ নহয়, বৰঞ্চ ‘এলএচি’ নামৰ এখন নিৰ্মীয়মান চলচ্চিত্ৰৰ শ্বুটিং ফুটেজৰ পৰা লোৱা হৈছে। চলচ্চিত্ৰখন গালৱান উপত্যকাত ভাৰত আৰু চীনৰ মাজত হোৱা সীমান্ত বিবাদৰ ওপৰত আধাৰিত।
Title:জনৈক চলচ্চিত্ৰ দৃশ্যগ্ৰহণৰ সময়ৰ এখন ফটো ভাৰত-চীনৰ সৈন্যৰ মাজত হোৱা হতাহতিৰ ফটো বুলি ভাইৰেল!
Fact Check By: Manjori BorkotokyResult: Partly False
