- >>
- False
জৱাহৰলাল নেহৰুৱে নিজকে দুৰ্ভাগ্যৱশতঃ হিন্দু বুলি কৈছিল নেকি?
শেহতীয়াকৈ ভাৰতৰ প্ৰথম প্ৰধানমন্ত্ৰী জৱাহৰলাল নেহৰুৰ বিষয়ে এটা পোষ্ট চ'চিয়েল মেডিয়াত ভাইৰেল হোৱা দেখা গৈছে। এই পোষ্টটোত দাবী কৰা হৈছিল যে জৱাহৰলাল নেহৰুৱে তেওঁ শিক্ষাৰ ফালৰ পৰা মুছলমান, সংস্কৃতিৰ ফালৰ পৰা খ্ৰীষ্টান আৰু দুৰ্ভাগ্যজনকভাৱে হিন্দু বুলি কৈছিল। এই একেটা দাবী আমাৰ হোৱাটচএপ নম্বৰলৈও ফ'ৰৱাৰ্ড কৰা হৈছিল।
এইধৰণৰ পোষ্ট আমি ফেচবুকতো পালোঁ।
অনুগ্ৰহ কৰি ইয়াত আৰু ইয়াত চাওক।
Archived Link
আমি ফেক্ট ক্ৰেছেণ্ড অসমীয়াই এই সম্পৰ্কে অনুসন্ধান কৰাৰ সিদ্ধান্ত ললোঁ।
সত্যতা নিৰূপণ পদ্ধতি
ভাইৰেল ফটোখনত আমি কিছু ভুল পাইছিলোঁ। ভাইৰেল ফটোখনৰ প্ৰাৰম্ভিক শাৰীত আমি দেখিলোঁ যে নেহৰুৰ উদ্ধৃতি দিয়া হৈছে যে তেওঁ শিক্ষাৰ ফালৰ পৰা খ্ৰীষ্টান, সংস্কৃতিৰ ফালৰ পৰা মুছলমান আৰু দুৰ্ঘটনাক্ৰমে হিন্দু। কিন্তু পিছত একেখন ফটোতে আমি কওঁ নেহৰুৰ উদ্ধৃতি দিয়া হৈছিল যে তেওঁ শিক্ষাৰ ফালৰ পৰা মুছলমান, সংস্কৃতিৰ ফালৰ পৰা খ্ৰীষ্টান আৰু দুৰ্ভাগ্যজনকভাৱে হিন্দু। ইয়াৰ ফলত দাবীটোৰ বিশ্বাসযোগ্যতাৰ ওপৰত আমাৰ সন্দেহৰ সৃষ্টি হ’ল।
গুগল ৰিভাৰ্ছ ইমেজ চাৰ্চত আমি ২০২১ চনত এজন ব্যৱহাৰকাৰীয়ে ফেচবুকত পোষ্ট কৰা একেখন ফটো পালোঁ। ফটোখনৰ তলৰ বাওঁফালৰ চুকত ক্ৰেডিট দিয়া হৈছিল নেহৰু খান বংশ।
ওপৰৰ কথাটো মনত ৰাখি আমি গুগলত ‘নেহৰু খান বংশ’ বিচাৰিলোঁ৷ আমি দেখিলোঁ যে নেহৰু খান বংশ এখন কিতাপৰ নাম। আমি ইণ্টাৰনেটত উপলব্ধ কিতাপখনৰ কেইটামান পৃষ্ঠা পঢ়িলোঁ। এই গ্ৰন্থখনৰ কোনো কোনো ঠাইত ইন্দিৰা গান্ধীৰ নাম ইন্দিৰা খান আৰু ছোনিয়া গান্ধীৰ নাম সলনি কৰি ছোনিয়া মাইনো কৰা হৈছে।
বিভিন্ন কীৱৰ্ড ব্যৱহাৰ কৰি গুগলত সন্ধান কৰাৰ পিছত আমি ২০১৮ চনৰ ২৫ নৱেম্বৰত টুইটাৰ হেণ্ডেলত ডেক্কান ক্ৰনিকলছ নিউজৰ প্ৰবন্ধৰ পৰা এটা অংশ পালোঁ, য’ত ডেক্কান ক্ৰনিকলে স্পষ্ট কৰি দিছিল যে নেহৰুৱে নিজকে ‘দুৰ্ভাগ্যক্ৰমে হিন্দু’ বুলি কোৱা নাছিল। এইদৰে সম্বোধন কৰিছিল ১৯৫০ চনত হিন্দু মহাসভাৰ সভাপতি এন বি খাৰে।
একেটা থ্ৰেডতে আমি ডেক্কান ক্ৰনিকলে কৰা শুধৰণি দেখিলোঁ যে নেহৰুৰ নামত ভাইৰেল হোৱা ভাইৰেল উক্তিটো আচলতে ১৯৫৯ চনত হিন্দু মহাসভাৰ নেতা এন বি খাৰে কৰা অভিযোগ।
তদুপৰি আমি বি আৰ নন্দাৰ "দ্য নেহৰুজ: মতিলাল এণ্ড জৱাহৰলাল" নামৰ কিতাপখন পালোঁ। তাত তেওঁ উল্লেখ কৰিছে যে হিন্দু মহাসভাৰ নেতা এন.বি. খাৰে উল্লেখ কৰিছিল যে নেহৰু শিক্ষাৰ ফালৰ পৰা ইংৰাজ, সংস্কৃতিৰ ফালৰ পৰা মুছলমান আৰু দুৰ্ভাগ্যৰ ফালৰ পৰা হিন্দু আছিল।
ফলাফল
আমাৰ অনুসন্ধানৰ পৰা আমি ক'ব পাৰোঁ যে ভাইৰেল দাবীটো মিছা। নেহৰুৱে নিজকে দুৰ্ভাগ্যৱশতঃ হিন্দু বুলি কোৱা নাছিল। এন বি খাৰেৰ উক্তিটো জৱাহৰলাল নেহৰুৰ বুলি ভাইৰেল কৰা হৈছে।
যদি আপুনি সন্দেহজনক অনুভৱ কৰা যিকোনো তথ্য, ৰেকৰ্ডিং, ফটো, ভিডিঅ’ প্ৰাপ্ত কৰে, সেইবোৰ আমাৰ হোৱাটছএপ নম্বৰলৈ ফৰৱাৰ্ড কৰক (+91 904 905 3770)। আমি তথ্যগত বিৱৰণ অনুসন্ধান আৰু প্ৰকাশ কৰিম। আমাৰ দৈনিক আপডেটবোৰো চাবস্ক্ৰাইব কৰক।
যদি আপুনি সামাজিক মাধ্যমত আমাক অনুসৰণ কৰিব বিচাৰে:
ফেচবুক | টুইটাৰ | ইনষ্টাগ্ৰাম | গুগল নিউজ চেনেল | হোৱাটছএপ
Title:জৱাহৰলাল নেহৰুৱে নিজকে দুৰ্ভাগ্যৱশতঃ হিন্দু বুলি কৈছিল নেকি?
Written By: FactCrescendo AssameseResult: False
