চিবিএছই’য়ে দ্বাদশ আৰু দশম শ্ৰেণীৰ পৰীক্ষাৰ ৰিজাল্ট ক্ৰমে ১১ আৰু ১৩ জুলাই তাৰিখে ঘোষণা কৰা হব বুলি কোনো জাননী জাৰি কৰা নাই!

সংৰক্ষিত লিংক

শেহতীয়াকৈ এখন বিশেষ জাননী হোৱাটচ এপ্পৰ যোগেদি ভাইৰেল হৈ পৰিছে । উক্ত জাননীখন চেণ্ট্ৰেল ব’ৰ্ড অফ চেকেণ্ডেৰী এডুকেচন (চিবিএছই)য়ে জাৰি কৰা বুলি দাবী কৰা হৈছে । জাননীখনত দ্বাদশ আৰু দশম শ্ৰেণীৰ পৰীক্ষাৰ ৰিজাল্ট ক্ৰমে ১১ আৰু ১৩ জুলাই তাৰিখে ঘোষণা কৰা হব বুলি লিখা আছে । লগতে ৰিজাল্টবোৰ চাবলৈ তিনিটা ৱেবচাইটৰ নামও জাননীখনত উল্লেখ কৰা আছে । 

সংৰক্ষিত লিংক

উল্লেখযোগ্য যে কিছুদিনৰ আগতে কৰা আন এক ঘোষণাৰ মতে উক্ত ৰিজাল্টবোৰ ১৫ জুলাই, ২০২০ আগতে ঘোষণা কৰা হব বুলি প্ৰকাশ পাইছিল । 

সঁচাকৈ চিবিএছই’ৰ দ্বাদশ আৰু দশম শ্ৰেণীৰ পৰীক্ষাৰ ৰিজাল্ট ক্ৰমে ১১ আৰু ১৩ জুলাই তাৰিখে ঘোষণা কৰা হব নেকি? সত্য কি? জানোঁ আহক । 

প্ৰণালী

প্ৰথমে আমি এই বিষয়ে টুইটাৰত কীৱৰ্ডছ ব্যৱহাৰ কৰি চাৰ্ছ কৰিলোঁ আৰু দেখিলোঁ যে ‘পিআইবি ফেক্ট চেক’ৰ অফিচিয়েল টুইটাৰ হেণ্ডেলৰ পৰা এই বিষয়ে ইতিমধ্যে এক স্পষ্টীকৰণ দিয়া হৈছে । তেওঁলোকে স্পষ্ট কৰিছে যে চিবিএছই’য়ে কোনো তাৰিখ বৰ্তমানলৈকে ঘোষণা কৰা নাই আৰু এনে ধৰণৰ কোনো ঘোষণা থাকিলে তেওঁলোকৰ অফিচিয়েল ৱেবচাইট বা ছচিয়েল মিডিয়া একাউন্টৰ পৰাহে কৰা হব । 

কীৱৰ্ডছ চাৰ্ছৰ ফলত আমি আৰু দেখিলোঁ যে  চিবিএছই’ৰ অফিচিয়েল টুইটাৰ হেণ্ডেলৰ পৰা এই বিষয়ে এক টুইট কৰা হৈছে আৰু উক্ত জাননীখন ভুৱা বুলি স্পষ্ট কৰা হৈছে । 

ফলাফল

উক্ত জাননীখন ভুৱা হয় । চিবিএছই’য়ে দ্বাদশ আৰু দশম শ্ৰেণীৰ পৰীক্ষাৰ ৰিজাল্ট ক্ৰমে ১১ আৰু ১৩ জুলাই তাৰিখে ঘোষণা কৰা হব বুলি কোনো জাননী জাৰি কৰা নাই ।