অমিতাভ বচ্চনৰ ক’ৰনা টেষ্টৰ ৰিজাল্ট নিগেটিভ অহা নাই!

ফেচবুক লিংক | সংৰক্ষিত লিংক

চীন দেশৰ ৱুহান নামৰ ঠাইখনৰ পৰা সংক্ৰমিত হোৱা ক’ৰনা ভাইৰাছ ৰোগত ভুগি সমগ্ৰ বিশ্বতে এতিয়ালৈকে কেইবালাখ মানুহৰ মৃত্যু হৈছে আৰু বহু লাখ মানুহ এতিয়াও আক্রান্ত হৈ আছে । বিশ্বৰ আন দেশৰ লগতে ভাৰতত এতিয়ালৈকে বহু হেজাৰ লোকৰ মৃত্যু হৈছে আৰু বহুতো মানুহ এতিয়াও আক্ৰান্ত হৈ আছে ।

শেহতীয়াকৈ বলিউডৰ ‘বিগ বি’ বুলি খ্যাত অভিনেতা অমিতাভ বচ্চন, তেওঁৰ পুত্ৰ অভিষেক বচ্চন, বোৱাৰী ঐশ্বর্য ৰায় আৰু নাতি ক’ৰনা ভাইৰাছত আক্ৰান্ত হোৱা বাতৰিয়ে চাঞ্চল্যৰ সৃষ্টি কৰিছিল । অভিনেতাজন বৰ্তমান মুম্বাইৰ নানাৱতি হস্পিটেলত চিকিৎসাধীন হৈ আছে বুলি আমি অৱগত ।

এনে সময়তে অভিনেতাজনৰ বিষয়ে এক বিশেষ বাতৰি ছচিয়েল মিডিয়াত ভাইৰেল হৈ পৰিছে আৰু বিভিন্ন সংবাদ প্ৰতিষ্ঠানে উক্ত বাতৰিটো পৰিবেশন কৰা দেখা গৈছে । বাতৰিটোৰ মতে অমিতাভ বচ্চনৰ ক’ৰনা টেষ্টৰ ৰিজাল্ট শেহতীয়াকৈ নিগেটিভ আহিছে ।

অসমৰ 'প্ৰতিদিন' নামৰ বাতৰি কাকতখনৰ ফেচবুক পে'জৰ পৰা তেওঁলোকৰ ৱেবছাইটত প্ৰকাশিত এনে ধৰণৰ এক বাতৰি আপলোড কৰা হৈছে । উক্ত ফেচবুক পোষ্টটো, 'ভাল খবৰঃ বিগ বিৰ কোৰোনাৰ ৰিজাল্ট নিগেটিভ...' বুলি শিৰোনামা দি ২৪ জুলাই, ২০২০ তাৰিখে আপলোড কৰা হৈছে আৰু উক্ত পোষ্টটো বিভিন্নজনে শ্বেয়াৰ কৰিছে । এনে দৰে আন কিছু সংবাদ মাধ্যম তথা সাধাৰণ ফেচবুক ইউজাৰে অমিতাভ বচ্চনৰ ক’ৰনা টেষ্টৰ ৰিজাল্ট শেহতীয়াকৈ নিগেটিভ আহিছে বুলি দাবী কৰি বিভিন্ন ফেচবুক পোষ্ট আপলোড তথা শ্বেয়াৰ কৰিছে ।

সংৰক্ষিত লিংক

সঁচাকৈ অমিতাভ বচ্চনৰ ক’ৰনা টেষ্টৰ ৰিজাল্ট শেহতীয়াকৈ নিগেটিভ আহিছে নেকি? সত্য কি? জানোঁ আহক ।

প্ৰণালী

আমি এই বিষয়ে সত্যতা নিৰূপণ কৰিবলৈ পোন প্ৰথমেই অভিনেতা অমিতাভ বচ্চনৰ ভেৰিফাইড টুইটাৰ হেণ্ডেলটো চালোঁ । আমি দেখিলোঁ যে তেওঁ ইতিমধ্যে এই বিষয়ে এক স্পষ্টীকৰণ (টুইট) জাৰি কৰিছে । তেওঁ টুইটটোত লিখিছে যে তেওঁৰ ক’ৰনা টেষ্টৰ ৰিজাল্ট শেহতীয়াকৈ নিগেটিভ আহিছে বুলি প্ৰকাশ হোৱা বাতৰিটো ভুৱা হয় ।

আমি কিছুমান সাধাৰণ কীৱৰ্ডছ ব্যবহাৰ কৰি গুগল চাৰ্ছ কৰিলোঁ আৰু এই বিষয়ে টাইমছ অফ ইণ্ডিয়াত প্ৰকাশিত এক বাতৰি দেখা পালোঁ । বাতৰিটোত স্পষ্ট কৰা হৈছে যে অমিতাভ বচ্চনৰ ক’ৰনা টেষ্টৰ ৰিজাল্ট এতিয়াও নিগেটিভ অহা নাই ।

ফলাফল

অমিতাভ বচ্চনৰ ক’ৰনা টেষ্টৰ ৰিজাল্ট শেহতীয়াকৈ নিগেটিভ আহিছে বুলি প্ৰচাৰ হোৱা বাতৰিটো ভুৱা হয় । তেওঁৰ ক’ৰনা টেষ্টৰ ৰিজাল্ট এতিয়াও নিগেটিভ অহা নাই ।