ভগৱান গণেশক পূজা কৰি থাকোঁতে পুৰোহিতজন অসুস্থ হৈ পৰা ভিডিঅ’টো চিত্ৰনাট্যযুক্ত বা স্ক্ৰিপ্টেড।  

২৮ আগষ্ট ২০২৫ত অসমৰ এগৰাকী ফেচবুক ব্যৱহাৰকাৰীয়ে এটা ভিডিঅ’ আপলোড কৰি সেয়া ভগবানৰ মহিমা বুলি দাবী কৰিছে। চিচিটিভি ফুটেজৰ দৰে ভিডিঅ’টোত দেখা গৈছে যে এগৰাকী পুৰোহিতে প্ৰভু শ্ৰীগণেশৰ পূজা কৰি থকা সময়ত অসুস্থ হৈ বাগৰি পৰিছিল আৰু কিছু সময় পাছত ভগবান শ্ৰীগণেশৰ কৃপাত তেওঁ পুনৰ সুস্থ হয় ।  এইদৰেই এই ঘটনাটো এটা প্ৰকৃত সত্য ঘটনা বুলি পোষ্টটোৰ জৰিয়তে দাবী কৰা হৈছে।  

Facebook Link Archived Link 

কিন্তু দাবীটো সত্য হয়নে?

আমি ফেক্ট ক্ৰেছেণ্ডো অসমীয়াই ইয়াৰ সত্যতা নিৰূপন কৰাৰ সিদ্ধান্ত গ্ৰহণ কৰিলোঁ। 

সত্যতা নিৰূপণ পদ্ধতি

অনুসন্ধানৰ বাবে আমি সেই ভিডিঅ’টোৰ স্ক্ৰীণশ্বটৰ ৰিভাৰ্ছ ইমেজ ছাৰ্চ কৰি চালোঁ। তেতিয়া আমি Sanjjanaa Galrani নামৰ ফেচবুক পেজ এটাত এই একেটা ভিডিঅ’ ২০২৪ চনৰ ১৯ চেপ্তেম্বৰত আপলোড কৰা দেখিলোঁ। পোষ্টটোত এক ঘোষণা কৰা আছে এইদৰে- পোষ্টত লিখা আছে- চোৱাৰ বাবে ধন্যবাদ! মন কৰিব যে এই পেজটোত চিত্ৰনাট্যযুক্ত নাটক আৰু পেৰ’ডিও আছে। এই চুটি ছবিবোৰ কেৱল মনোৰঞ্জন আৰু শিক্ষাৰ উদ্দেশ্যেহে নিৰ্মাণ কৰা! এই ভিডিঅ’টোৰ চৰিত্ৰবোৰ মনোৰঞ্জন আৰু শিক্ষাৰ উদ্দেশ্যৰে সৃষ্টি কৰা। অৰ্থাৎ পেজটোত স্ক্ৰিপ্টেড ভিডিঅ’ আছে। (Thank you for watching! Please be aware that this page features scripted dramas and parodies as well. These short films are for entertainment & educational purposes only! Characters in this video are entertainment and educational purpose.)

অৰ্থাৎ ভাইৰেল ভিডিঅ’টোত প্ৰকৃত চিচিটিভি ফুটেজ দেখা যোৱা নাই। বৰঞ্চ তাত সেয়া চিত্ৰনাট্যযুক্ত এক ভিডিঅ’হে দেখা গৈছে।

ভিডিঅ’টোৰ শেষত এটা ডিচক্লেইমাৰো দেখা যায়। তাতো এয়া সজাগতামূলক আৰু মনোৰঞ্জনমূলক ভিডিঅ’ বুলি উল্লেখ কৰা হৈছে। 

সঞ্জনা গাৰলানিৰ ফেচবুক পেজটোৰ পৰিচয় শিতানটো চালেই গম পোৱা যায় যে তেওঁ দক্ষিণ ভাৰতৰ এগৰাকী অভিনেত্ৰী তথা ভ্লগাৰ।

তেওঁ এইদৰে নিয়মিতভাৱে নিজৰ ফেচবুক  পেজ, ইনষ্টাগ্ৰাম আৰু ইউটিউৱ চেনেলত ভ্লগ আৰু এনে চিত্ৰনাট্যযুক্ত নাটক আপলোড কৰি আহিছে। সেইধৰণৰ মনোৰঞ্জনমূলক তথা সজাগতামূলক অন্য চিত্ৰনাট্যযুক্ত ভিডিঅ’ ইয়াত, ইয়াত আৰু ইয়াত চাব পাৰিব।

উল্লেখযোগ্য যে অনুৰূপ দাবীৰে ২০২৪তো এই ভিডিঅ’ অসমৰ সামাজিক মাধ্যমত ভাইৰেল হৈ পৰিছিল। সেই সময়তো আমি ফেক্ট ক্ৰেছেণ্ডো অসমীয়াই ইয়াৰ সত্যতা নিৰূপণ কৰিছিলোঁ। আমাৰ সেই লেখা ইয়াত চাব পাৰিব। 

এই সকলোবোৰ তথ্যৰ পৰা স্পষ্ট যে ভগৱান গণেশক পূজা কৰি থাকোঁতে পুৰোহিতজন অসুস্থ হৈ ঢলি পৰা আৰু পুনৰ সুস্থ হৈ উঠা ভিডিঅ’টো চিত্ৰনাট্যযুক্ত বা স্ক্ৰিপ্টেড। ভিডিঅ’টোৰ বাস্তৱৰ লগত কোনো সম্পৰ্ক নাই।

ফলাফল

ফেক্ট ক্ৰেছেণ্ডো অসমীয়াৰ অনুসন্ধানত এই কথা নিশ্চিত হৈছে  দাবীটো মিছা। ভগৱান গণেশক পূজা কৰি থাকোঁতে পুৰোহিতজন অসুস্থ হৈ ঢলি পৰা আৰু পুনৰ সুস্থ হৈ উঠা ভিডিঅ’টো চিত্ৰনাট্যযুক্ত বা স্ক্ৰিপ্টেড। ভিডিঅ’টোৰ বাস্তৱৰ লগত কোনো সম্পৰ্ক নাই।  

যদি আপুনি সন্দেহজনক অনুভৱ কৰা যিকোনো তথ্য, ৰেকৰ্ডিং, ফটো, ভিডিঅ’ লাভ কৰে, তেনেহ’লে সেইবোৰ আমাৰ হোৱাটছএপ নম্বৰলৈ ফৰৱাৰ্ড কৰিব পাৰে (+91 904 905 3770)। আমি তথ্যগত বিৱৰণসহ অনুসন্ধান কৰিম আৰু প্ৰকাশ কৰিম। আমাৰ দৈনিক আপডেটবোৰো চাবস্ক্ৰাইব কৰক।

যদি আপুনি সামাজিক মাধ্যমত আমাক অনুসৰণ কৰিব বিচাৰে:

ফেচবুক | টুইটাৰ | ইনষ্টাগ্ৰাম | গুগল নিউজ চেনেল | হোৱাটছএপ