এই ভিডিঅ'টোত উপহাৰ লৈ নেপালৰ পৰা অযোধ্যালৈ অহা লোকক দেখুওৱা হৈছে নেকি?
অহা ২২ জানুৱাৰী, ২০২৪ তাৰিখে অযোধ্যাৰ ৰাম মন্দিৰ উদ্বোধন হ’ব।উদ্বোধনৰ পূৰ্বে সাজু কৰি তুলিবলৈ মন্দিৰটোৰ নিৰ্মাণ কাৰ্য পূৰ্ণগতিত চলি আছে। ৰাম মন্দিৰ উদ্বোধনৰ আগৰ দিনকেইটাত তেওঁৰ কইনা সীতাৰ জন্মস্থান নেপালৰ জনকপুৰৰপৰা ৫০০ লোকে শোভাযাত্ৰা কৰি বিভিন্ন উপহাৰ লৈ অযোধ্যাত উপস্থিত হ’ব বুলি জানিব পৰা গৈছে . এই পটভূমিত নেপালৰ পৰা অযোধ্যালৈ ভক্তৰ শোভাযাত্ৰা বুলি দাবী কৰা এটা ভিডিঅ’ চ’চিয়েল মেডিয়াত ব্যাপকভাৱে প্ৰচাৰিত হৈছে। শোভাযাত্ৰাৰ ভিডিঅ’টোত হালধীয়া আৰু কমলা ৰঙৰ কাপোৰ পিন্ধা লোকসকলক দেখুওৱা হৈছে। ভিডিঅ'টোৰ কেপশ্বনত লিখা আছে এইদৰে,"ৰামলালাৰ জীৱন পৱিত্ৰকৰণ সন্দর্ভত চৌদিশে উৎসৱমুখৰ পৰিৱেশ। ✌✌❤
নেপালৰ পৰা বৃহৎ সংখ্যক লোকে উপহাৰ লৈ অযোধ্যাত উপস্থিত হৈছে আজি ।
#RamMandirPranPratishta 🚩🚩…"
আমি ফেক্ট ক্ৰেছেণ্ড অসমীয়াই এই সম্পৰ্কে অনুসন্ধান কৰাৰ সিদ্ধান্ত ললোঁ।
সত্যতা নিৰূপণ পদ্ধতি
আমি গুগলত ৰিভাৰ্ছ ইমেজ চাৰ্চ কৰি আমাৰ তদন্ত আৰম্ভ কৰিলোঁ আৰু দেখিলোঁ যে ভিডিঅ’টো অযোধ্যাৰ নহয় বৰং উত্তৰ প্ৰদেশৰ গ্ৰেটাৰ নয়দাৰ। এই ভিডিঅ'টো যোৱা বছৰ বৃহত্তৰ নয়দাত বিতৰ্কিত ধীৰেন্দ্ৰ শাস্ত্ৰীয়ে অনুষ্ঠিত কৰা ভাগৱত কথা অধিবেশনৰ। স্বধৰ্মা নিউজৰ প্ৰতিষ্ঠাপক সুৰজিৎ দাসগুপ্তাই টুইট কৰিছিল এইদৰে, "পৌৰ ধীৰেন্দ্ৰ শাস্ত্ৰীৰ ভাগৱত কথাৰ অধিবেশনৰ আহ্বানৰ প্ৰতি সঁহাৰি জনাই ৭৫ হাজাৰ মহিলাই গ্ৰেটাৰ নয়দাৰ পথত সমদল উলিয়ায়। এয়াই হৈছে প্ৰকৃত ভাৰত যি কোনো আক্ৰমণকাৰীয়ে বাতিল কৰিব নোৱাৰিলে"।
বহু সংবাদ মাধ্যমৰ ৱেবছাইটত এই ভাগৱত কথা অধিবেশনৰ বিষয়ে বাতৰি প্ৰকাশ পাইছে। খবৰ অনুসৰি ২০২৩ চনৰ ১০ জুলাইৰ পৰা ১৬ জুলাইলৈ এই আয়োজন কৰা হৈছিল। প্ৰতিবেদন অনুসৰি এই ভিডিঅ'টোত দেখা গৈছে বাগেশ্বৰ বাবা নামেৰে বিখ্যাত পণ্ডিত ধীৰেন্দ্ৰ শাস্ত্ৰীৰ দ্বাৰা পৰিচালিত ভাগৱত কথাৰ পূৰ্বে গ্ৰেটাৰ নয়ডাত অনুষ্ঠিত হোৱা কলহ যাত্ৰা। গ্ৰেটাৰ নয়ডাৰ চিটি পাৰ্কৰ পৰা জেটপুৰলৈ ৩ কিলোমিটাৰ দূৰত্বলৈ অনুষ্ঠিত হৈছিল এই কলহ যাত্ৰা।
এই সম্পৰ্কে প্ৰতিবেদন ইয়াত পঢ়িব পাৰিব।
ফলাফল
আমাৰ অনুসন্ধানৰ পৰা আমি ক'ব পাৰোঁ যে ভাইৰেল দাবীটো মিছা। দাবী কৰা ধৰণে ভিডিঅ'টো নেপালৰ পৰা অযোধ্যালৈ কৰা শোভাযাত্ৰাৰ নহয় বৰং যোৱা বছৰ গ্ৰেটাৰ নয়ডাত পণ্ডিত ধীৰেন্দ্ৰ শাস্ত্ৰীৰ ভাগৱত কথাৰ পূৰ্বে অনুষ্ঠিত কলহ যাত্ৰাৰহে।
যদি আপুনি সন্দেহজনক অনুভৱ কৰা যিকোনো তথ্য, ৰেকৰ্ডিং, ফটো, ভিডিঅ’ প্ৰাপ্ত কৰে, সেইবোৰ আমাৰ হোৱাটছএপ নম্বৰলৈ ফৰৱাৰ্ড কৰক (+91 904 905 3770)। আমি তথ্যগত বিৱৰণ অনুসন্ধান আৰু প্ৰকাশ কৰিম। আমাৰ দৈনিক আপডেটবোৰো চাবস্ক্ৰাইব কৰক।
যদি আপুনি সামাজিক মাধ্যমত আমাক অনুসৰণ কৰিব বিচাৰে:
ফেচবুক | টুইটাৰ | ইনষ্টাগ্ৰাম | গুগল নিউজ চেনেল | হোৱাটছএপ
Title:এই ভিডিঅ'টোত উপহাৰ লৈ নেপালৰ পৰা অযোধ্যালৈ অহা লোকক দেখুওৱা হৈছে নেকি?
Written By: Debanjana BaishyaResult: False